मराठी साहित्य – चित्रकाव्य ☆ – – मतदान त झाले – आता – ☆ श्री आशिष बिवलकर ☆

श्री आशिष  बिवलकर

  चित्रकाव्य  

– मतदान तर झाले – आता – ☆ श्री आशिष  बिवलकर ☆

☆

झाले मतदान | निकालाची धास्ती |

खुर्चीसाठी कुस्ती | रणनीती ||१||

*

दोन्ही मांडवात | लग्नाची तयारी |

ढोलबाजा दारी | वाजण्यासी ||२||

*

छोटेछोटे पक्ष | विजयी अपक्ष |

त्यांच्यावर लक्ष | दोघांचेही ||३||

*

हॉटेल बुकिंग | चार्टर्ड विमान |

विजयी सन्मान | दिमतीला ||४||

*

घोडेबाजाराला | घाली खतपाणी |

पाच वर्षं लोणी | चाखायाला ||५||

*

गुडघ्यासी बांधे | उलटे बाशिंग |

आपलाच किंग | सिंहासनी ||६||

*

बिब्बा म्हणे आली | घटीका समीप |

निकालांचे दीप | उजळाया ||७||

☆

(चित्र – साभार श्री आशिष  बिवलकर)

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈