सुश्री नीलांबरी शिर्के
चित्रकाव्य
☆ हा खेळ सूर्य-चंद्राचा ☆ सुश्री नीलांबरी शिर्के ☆
☆
कालचा सूर्य मावळता
तो आज नव्याने येतो
रोजचा दिवस आपणा
म्हणून वेगळा म्हणतो…..
*
रवि मावळतीला जाता
प्रहर रातीचा हळू येतो
साम्राज्य काळोखाचे तो
हलकेच पसरवून देतो…..
*
रातीला येणारा अंधार
दुसरी पहाट येईतो रहातो
रवि नव्या दिवसाचा येता
अंधार कालचा जातो…..
*
सुख रविसम येते जाते
आणि ….
अंधारासम मुक्कामाला
दु:ख वस्ती करून जाते…….
☆
© सुश्री नीलांबरी शिर्के
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
