श्री अनिल वामोरकर
चित्रकाव्य
जीवनगाणे… ☆ श्री अनिल वामोरकर ☆
☆
घ्यावी म्हणतो
आता थोडी विश्रांती
मी पुन्हा येईन बरं
नेहमीप्रमाणे प्रभाती…
*
नवजीवन देतो
अविरत,
नच कधी थकलो
कर्मयोगी म्हणोन
बक्षीसी न कधी पावलो…
*
किरणांनी माझ्या
दाह होतही असेल,
पण, सागराच्या पाण्याची वाफ
होईल तेव्हाच पाऊस बरसेल….
*
मीच मला पाहतो
बिंब माझे सागरात
विश्रांतीस्तव तुमच्या
नभांची चादर पांघरत..
*
गर्भित सूचक
माझे वागणे
येणे जाणे
हेचि जीवन गाणे…
☆
© श्री अनिल वामोरकर
अमरावती
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित
