सुश्री त्रिशला शहा
चित्रकाव्य
☆ लाडाची गं लेक माझी… ☆ सुश्री त्रिशला शहा ☆
☆
लाडाची गं लेक माझी
आली माझ्या गं भेटीला
कशी दिसते साजिरी
द्रुष्ट लागू नये तिला
*
आला संक्रांतीचा सण
काय सांगू तिचा थाट
काळी नेसली चंद्रकळा
गोड हसू चेहऱ्यावर
*
सासूसासऱ्यांची आहे
लाडाची ती सून
कौतुक करती तिचे सारे
पुरविती तिची हौस
*
कशी नटली सजली
हलव्याच्या दागिन्यांनी
गळा शोभतो हा हार
आणि कानातले डूल
*
अशी सदैव असावी
हसत रहावी तु बाळा
आस हिचं माझ्या मनीची
डोळा भरुन पाहते तुला
☆
© सुश्री त्रिशला शहा
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
