श्री प्रमोद वामन वर्तक
चित्रकाव्य
☆ माया… ☆ श्री प्रमोद वामन वर्तक ☆
☆
दृश्य अनोखे आज
रस्त्यावर मला दिसले
पाहून निर्मळ प्रेम ताईचे
डोळे माझे ओले झाले
*
असेल हरवले बहुदा
छत्र डोईवरचे मायेचे
आले म्हणून ताईला
भान मग कर्तव्याचे
*
घेण्या छोट्याची काळजी
जरी बालपण गमावले
शिरणे भूमिकेत आईच्या
तिने आनंदाने स्वीकारले
…. तिने आनंदाने स्वीकारले
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
