मराठी साहित्य – चित्रकाव्य ☆ – मातृत्व – ☆ सुश्री नीलांबरी शिर्के ☆

सुश्री नीलांबरी शिर्के

  चित्रकाव्य  

– मातृत्व –  ☆ सुश्री नीलांबरी शिर्के ☆

☆

गाय जेंव्हा माय होते

कासेला वासरू लुचते

त्या ओठांच्या स्पर्शाने

ती आपसूक पान्हावते

☆

मातृत्वाचा शिरी तूरा

मुखी पडती अमृत धारा

ढूशा देऊनी पिते वासरू

जिव्हास्पर्शी  स्नेह झरा

☆

आई भोवती जग बाळाचे

बाळासाठी जगणे आईचे

पशुपक्षी कटक वा मानव

बदलून  जाते विश्व बाईचे

☆

चित्र साभार –सुश्री नीलांबरी शिर्के

© सुश्री नीलांबरी शिर्के

29/12/22

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈