सुश्री प्रभा सोनवणे
कवितेच्या प्रदेशात # 208
☆ वाट माझी ☆ सुश्री प्रभा सोनवणे ☆
☆
चांदण्याची वाट माझी
चालले आहे सुखाने
भोगले जे सौख्य येथे
तृप्ततेच्या जाणिवेने
☆
एक छोटा गाव माझा
डोंगराच्या पायथ्याशी
जन्म माझा धन्य झाला
चंद्र घेता मी उशाशी
☆
वाट माझी गंध ल्याली
रातराणी शुभ्र साधी
चार वाटा ज्या मिळाल्या
चौक झाला की सुगंधी
☆
त्या सुगंधी वादळाला
काय आता नाव द्यावे
जन्म घेण्या या इथे मी
चांदणी, आकाश व्हावे
☆
© प्रभा सोनवणे
संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
