सुश्री प्रभा सोनवणे
कवितेच्या प्रदेशात # 247
☆ 
दिवाळी… ☆ सुश्री प्रभा सोनवणे ☆
☆
दिवाळी येते दरवर्षीच….
तिचं रूप मात्र बदलतंय!
लहानपणीची थंडीत कुडकुडत,
पहाटेच आंघोळ करणारी,
नटून थटून देवळात जाणारी,
उदंड लाडू,चकली,करंजी इ.इ.चा
फराळ करण्यातच गर्क असलेली,
महिला वर्गाची !!
लहानपणाची दिवाळी,
खूप सुखाची वाटायची!
तरूणपणीची नवी नवी दिवाळी,
पण प्रत्येक वयातली दिवाळी,
घरातच राहणारी!
प्रौढ वयातली प्रौढ दिवाळी !
ज्येष्ठ वयातली विरागी दिवाळी !
शांत निवांत!!
वय बदलतंय तसं
रंग रूप आकार बदलंत जाणारी…
दरवर्षीची दिवाळी!
माझी दिवाळी ! माझी दिवाळी !
☆
© प्रभा सोनवणे
संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
