सुश्री प्रभा सोनवणे
कवितेच्या प्रदेशात # 258
☆ एक उनाड दिवस… ☆ सुश्री प्रभा सोनवणे ☆
☆
वयाच्या या टप्प्यावर…
वाटते फिरता येईल तोवर,
मुक्त फिरून घ्यावे,
सुख घ्यावे आणिक द्यावे !
*
सोबती असाव्या—
आमच्याच पोरी बाळी,
आधारासाठी लागलाच जर,
हात द्यावा त्यांनी ऐनवेळी!
*
प्रत्येक पिढीचे असते,
जगणे निश्चितच वेगळे
साधावा संवाद तरूणाईशी,
सांगावे शल्य मनीचे सगळे !
*
आजचा दिवस असाच,
उनाड होता—-
मस्त रेस्टॉरंट मधे भेटलो,
रुचकर जेवणासह, बोललो !
*
अख्खा दिवस बरोबर असता,
आलेली मरगळ गेली निघून
सऱ्याजणींच्या मनी आता
पुनर्भेटीची मंजुळ धून !
*
या उनाड दिवसाने
सांगितले बरेच काही,
आला क्षण मस्त मानावा
उद्याचे काय? माहित नाही !
☆
© प्रभा सोनवणे
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
