सुश्री प्रभा सोनवणे
कवितेच्या प्रदेशात # 148
☆ गणेश स्तुती ☆ सुश्री प्रभा सोनवणे ☆
(वृत्त– शुद्धसती) (८+४)
वाजत गाजत आले
गणपती देव येथे
घरकुले छान सजली
दार ही गीत गाते
जास्वंद फुले आता
दरवळे मोगराही
बनलीय जुडी दुर्वा
छानसा केवडाही
कुणाला सांग सांगू
हेरंब घरी आल्याचे
उघडले दार आता
माझ्याही सौख्याचे
बाप्पास गंध शोभे
सुवासी चंदनाचे
गूळ अन खोबरे ते
नैवेद्य मोदकाचे
करावी आरती की
सुखाने गणेशाची
असावी रोज पूजा
शुद्धच या भावांची
© प्रभा सोनवणे
संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
कोणास साग सांगू
आदिनाथ आल्याचे ॥
असे आहे