वाचताना वेचलेले
☆ नातवंड… कवी : अज्ञात ☆ प्रस्तुती – सौ. स्मिता पंडित ☆
☆
नातवंड म्हणजे काय चीज असते
आजी-आजोबांमध्ये दडलेलं सॅण्डविच असते
*
नातवंड म्हणजे काय चीज असते
आई रागावली की आजीकडील धाव असते
*
नातवंड म्हणजे लोण्याचा गोळा
पाळण्यातून अलगद काढून घ्यावा
*
नातवंड म्हणजे गुलाबाची पाकळी
पुस्तकात जपलेली पानावरची जाळी
*
नातवंड म्हणजे विड्यातला गुलकंद
सगळ्या चवींना बांधतो एकसंध
*
नातवंड म्हणजे खव्याचा पेढा
अखंड आनंद घ्या हवा तेवढा
*
नातवंड म्हणजे त्रिवेणी संगम
तिसऱ्या पिढीचा असतो उगम
*
नातवंड म्हणजे आनंद तरंग
आनंदाच्या डोहात डुंबते अंतरंग
☆
कवी : अज्ञात
प्रस्तुती : सौ. स्मिता पंडित
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
