वाचताना वेचलेले
☆ एक उल्लेखनीय धाडस… लेखक : श्री सागर आवटे ☆ प्रस्तुती – सुश्री मीनल केळकर ☆
☆
पुण्यातील मराठी मुलीने बदलायला लावला अमेरिकी शाळांतील शिवरायांचा इतिहास; पुढील शैक्षणिक वर्षापासून औरंगजेबाची महती बाद; छत्रपती शिवरायांच्या पराक्रमाचा धडा 11 वीच्या शालेय इतिहास समाविष्ट!
पुण्यातील बाणेर येथील श्री अतुल जयकुमार आवटे यांची पुतणी, त्रिशा सागर आवटे ही अमेरिकेतल्या मॅडिसन स्टेट मधल्या वेस्ट हायस्कूल मध्ये 11वीला शिकते. एकदा त्यांच्या इतिहासाच्या पुस्तकात औरंगजेब यावर असलेला एक धडा क्लासमध्ये शिकविला जात होता. त्यात औरंगजेब किती सर्वश्रेष्ठ होता, याबद्दल लिहिलेले आहे, ते शिकविले जात होते. त्यावेळेस त्रिशाने धाडस करून क्लासमध्ये टीचरला सांगितले की, हे खरे नाही, हा खोटा इतिहास आहे व छत्रपती शिवाजी महाराज हेच सर्वश्रेष्ठ होते. शिवरायांबद्दल सगळा खरा इतिहास तिने वर्गात इतिहास सांगितला. अलेक्झांडर च्या कथा ऐकून वाढलेल्या अमेरिकन मुलांना शिवरायांचा हा धाडसी इतिहास रोमांचित करून गेला. टीचरलाही हा इतिहास नवा होता; पण इंटरेस्टिंग वाटला. त्यानंतर त्यांच्या टीचरने छत्रपती शिवाजी महाराज यांच्याबद्दल खूप वाचन केले व सगळी माहिती मिळवली. याचा परिणाम असा झाला की, आता त्या शाळेमध्ये पुढील वर्षांपासून छत्रपती शिवाजी महाराज यांच्या शौर्यावर संपूर्ण एक धडा समाविष्ट केला जाणार आहे, जेणे करून तेथील विदयार्थ्यांना छत्रपती शिवाजी महाराज हेच सर्वश्रेष्ठ होते, हे कळावे.
त्रिशाने केलेल्या या धाडसाबद्दल एक भारतीय म्हणून खरंच खूप अभिमान आहे व छत्रपती शिवाजी महाराज यांचा धडा पुढील शैक्षणिक वर्षांपासून समाविष्ट करणार, याचा निर्णय घेतल्याबद्दल त्यांचे पण खूप आभार.
☆
लेखक : सागर आवटे ( Trisha’s father ), Madison City, Wisconsin State.
प्रस्तुती: सुश्री मीनल केळकर
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
