श्रीमती उज्ज्वला केळकर
वाचताना वेचलेले
☆ अप्रूप पाखरे – 27– रवींद्रनाथ टैगोर ☆ प्रस्तुति – श्रीमती उज्ज्वला केळकर ☆
[१२५]
या आशा एकांतात
का असं मंदावतं
माझं मन…
का असं झुरतं
कळत नाही मला….
आपल्या छोट्या छोट्या मागण्या
का नाही व्यक्त करत
की जाणवत नाही
की
आठवतच नाहीत त्याला?
[१२६]
तुझी इच्छा होईलत्या क्षणी
मालवून टाक हा दीप
तुझा अंधकारही
जाणून घेईन मी
आणि त्याच्यावरसुद्धा
जीवच टाकीन…
[१२७]
आपण
काजव्यासारखे दिसतो
याचं
कधीच भय वाटत नाही
तार्‍यांना
[१२८]
पिसार्‍याच्या पसार्‍याचं
ते लांबलचक ओझं पाहून
कीव येते चिमणीला
मोराची
मूळ रचना – स्व. रविंद्रनाथ टैगोर
मराठी अनुवाद – रेणू देशपांडे (माधुरी द्रवीड)
प्रस्तुति – श्रीमती उज्ज्वला केळकर
176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
