मराठी साहित्य – वाचताना वेचलेले ☆ अप्रूप पाखरे – ३०– रवींद्रनाथ टैगोर ☆ प्रस्तुति – श्रीमती उज्ज्वला केळकर

श्रीमती उज्ज्वला केळकर

 वाचताना वेचलेले 

☆ अप्रूप पाखरे – ३०– रवींद्रनाथ टैगोर ☆ प्रस्तुति – श्रीमती उज्ज्वला केळकर ☆ 

[1]

इतिहासातून

प्रगट होत नाही माणूस

झगडून वर येत रहातो तो

इतिहातून —

[2]

मन लावून ऐकणार्‍या

या पाईन वृक्षांमधून

गुरफटत राहावी

समुद्राची गाज

तसा तुझा आवाज

प्रिय, माझ्यामधून

[3]

रात्र म्हणाली सूर्याला,

‘तू पाठवलीस मला

तुझी प्रेमपत्र

चादण्यांच्या अक्षरात

मी माझी उत्तरं

आसवांच्या अक्षरात

गवतावर पसरून

निघून जाते रे….’

[4]

पराभूत माणसाच्या

विजयाची

सोशीक प्रतीक्षा करणारा

हा मानवी इतिहास

मराठी अनुवाद – रेणू देशपांडे (माधुरी द्रवीड)

प्रस्तुति – श्रीमती उज्ज्वला केळकर

176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.-  9403310170

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈