सौ. सुनीता पाटणकर
वाचताना वेचलेले
☆ बोलीची आई… ☆ सुश्री सुनीता पाटणकर ☆
आईच्या गर्भात असल्यापासून, तुलाच ऐकते,
तूच माझी सखी तुझ्या वर भरभरुन प्रेम करते.
बोबडे बोल तुझ्याच ओठानी, आई म्हटले तुझ्याच शब्दानी.
एक जन्मदात्री आई,
एक कर्मदात्री आई भारतमाई,
एक मायमराठी बोलीची आई.
तू आहेस, म्हणून व्यक्त होता येत,
प्रेम, जिव्हाळा, आदर, राग, नावड सार सांगता येत.
माऊली, तुकोबा, चोखोबा, जनाबाई,
बहिणाबाई उमगतात, तुझ्याचमुळे,
अत्रे, पु.ल., ग.दि.मा., व.पु., शिरवाडकर आणि खूप सारी दैवत भेटतात तुझ्याचमुळे.
उतराई कशी होऊ, न फिटे हे ऋण,
राहीन ऋणातच तुझ्या, किर्ती तुझी वाढवेन.
© सौ. सुनीता पाटणकर
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
