सुश्री प्रेमा माधव कुलकर्णी
वाचताना वेचलेले
☆ गीतांजली भावार्थ …भाग 7 ☆ प्रस्तुति – सुश्री प्रेमा माधव कुलकर्णी ☆
१३.
जे गाणे गायला मी आलोय
ते अजूनही गायचे राहिले आहे
माझ्या वाद्यांच्या तारा पुन्हा पुन्हा
जुळविण्यातच दिवस सरले
खरंच, तशी वेळ आली नाही,
शब्द नीट जुळत नाहीत
इच्छेची तगमग ह्रदयात आहे
वारा मंद वाहतोय,
पण ऋतू फुलला नाही
मी त्याचा चेहरा पाहिला नाही की,
त्याचा आवाज ऐकला नाही
माझ्या घरावरून जाणाऱ्या पथावर
त्याचा पदरव ऐकू येतो
त्याच्यासाठी आसन तयार करण्यात दिवस गेला,
दिवा पण लावला नाही,
‘माझ्या घरात ये’ असं कसं म्हणू?
त्याची भेट होईल या आशेवर मी जगत आहे,
पण भेट अजून होत नाही.
मराठी अनुवाद – गीतांजली (भावार्थ) – माधव नारायण कुलकर्णी
मूळ रचना– महाकवी मा. रवींद्रनाथ टागोर
प्रस्तुती– प्रेमा माधव कुलकर्णी
कोल्हापूर
7387678883
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
