सुश्री प्रेमा माधव कुलकर्णी
वाचताना वेचलेले
☆ गीतांजली भावार्थ …भाग 8 ☆ प्रस्तुति – सुश्री प्रेमा माधव कुलकर्णी ☆
१४.
माझ्या इच्छा खूपच आहेत;
माझं रुदन दीनवाणं आहे
पण वारंवार निर्दयपणे नकार देऊन
तू मला सावरलंस
तुझ्या दयेनं माझं आयुष्य
पूर्णपणे भरलं आहे
मी न मागता छोट्या पण महान भेटी
तू मला देत असतोस
हे आकाश, हा प्रकाश, हे शरीर
आणि हे चैतन्य
या साऱ्या तुझ्याच भेटी,मला अवास्तव मागण्यांच्या धोक्यापासून वाचवतात,
दूर ठेवतात
खूपदा मी निरर्थकपणे भटकत असतो,
जागृतावस्थेत माझ्या स्वप्नपूर्ततेकडे
वाटचाल करीत असतो
पण निर्दयपणे तू माझ्या समोरून अदृश्य होतोस
मला दुर्बल बनवणाऱ्या
चंचल वासनांच्या जंजाळापासून
दूर नेऊन व त्यांना नकार देऊन
दिवसेंदिवस मी स्वीकारायोग्य कसा होईन
हे पाहतोस.
मराठी अनुवाद – गीतांजली (भावार्थ) – माधव नारायण कुलकर्णी
मूळ रचना– महाकवी मा. रवींद्रनाथ टागोर
प्रस्तुती– प्रेमा माधव कुलकर्णी
कोल्हापूर
7387678883
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
