सुश्री प्रेमा माधव कुलकर्णी
वाचताना वेचलेले
☆ गीतांजली भावार्थ …भाग 15 ☆ प्रस्तुति – सुश्री प्रेमा माधव कुलकर्णी ☆
[ २२ ]
आषाढाच्या घनदाट सावलीत,
नीरव पावलांनी,
सर्व पहारेकऱ्यांना चुकवून जाणाऱ्या
शांत रजनीप्रमाणे तू जातोस.
सतत भिरभिरणाऱ्या पूर्व वाऱ्याकडं
दुर्लक्ष करून, प्रांत: समयानं
आपले डोळे मिटून घेतले आहेत.
सतत दक्ष असणाऱ्या निळ्या आभाळावर
एक जाड पडदा पसरला आहे.
रानं गाणी गायची थांबली आहेत..
आणि घराची दारं- कवाडं बंद आहेत
या निर्मनुष्य रस्त्यावर तूच एक वाटसरू आहेस.
हे जीवलग मित्रा,
माझ्या घराचे दरवाजे सतत उघडे आहेत
एखाद्या स्वप्नासारखा विरून दूर जाऊ नकोस.
मराठी अनुवाद – गीतांजली (भावार्थ) – माधव नारायण कुलकर्णी
मूळ रचना– महाकवी मा. रवींद्रनाथ टागोर
प्रस्तुती– प्रेमा माधव कुलकर्णी
कोल्हापूर
7387678883
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
