श्री सुहास सोहोनी
वाचताना वेचलेले
☆ उगीच बोंब मारू नका – मूळ गुजराती कविता ☆ अनुवाद – श्री सुहास सोहोनी ☆
दारूपेक्षा तूप स्वस्त आहे …
उगीच बोंब मारू नका … ॥
माव्यापेक्षा मेवा स्वस्त आहे …
तरी केवढी ही बोंबाबोंब ! … ॥
कोकाकोलापेक्षा उसाचा रस स्वस्त आहे ना ? …
मग कोण तो बोंब ठोकतोय् … ? ॥
एका पिझ्झ्याच्या किंमतीत …
दहा-वीस चपात्या येतात की … ॥
तरी बोंबलता? … ॥
एका खंब्याच्या किंमतीत …
दुधाच्या बर्‍याच बाटल्या बसतात! … ॥
पण अगदी फाका मारून बोंबा! … ॥
बदाम-पिस्ते असतील थोडे महाग …
पण भुईमुगाचे दाणे त्यापेक्षा स्वस्त आहेत ना? …
मग पालथा हात तोंडावर आपटून बोंबलता कशाला? … ॥
इंग्लिश मिडियम स्कूलची फी नाही ना परवडत? …
मग नगरपालिकेची मराठी माध्यमाची कोणासाठी? ..
पण बोंबच मारायची ठरल्येय् ना? … ॥
बोंब मारण्याच्या कष्टांपेक्षा …
मौन पाळणं किती तरी सोपं …
पण बोंब मारल्याशिवाय चैनच पडत नाही ना! … ॥
मग बसा बोंबलत !!!
मूळ गुजराती कविता—
संकलक – अशोक दवे
अनुवादक -सुहास सोहोनी
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
