श्रीमती उज्ज्वला केळकर
वाचताना वेचलेले
☆ अप्रूप पाखरे – 22 – रवींद्रनाथ टैगोर ☆ प्रस्तुति – श्रीमती उज्ज्वला केळकर ☆
[१०५]
टेकड्या-टेकड्यांची
पाकळी न् पाकळी उलगडून
प्रकाश प्राशन करणारा
हा पर्वत
किती गोजिरवाणा दिसतो
एखाद्या प्रफुल्लित फुलासारखा….
[१०६]
प्रकाशाने झगमगणार्या
दिवसाच्या या हिरव्यागार जगाला
स्पर्श करण्यासाठी
उचंबळत आहेत अनावर
माझ्या गीतांच्या
या लालस लाटा
काळजाच्या गाभ्यातून
[१०७]
मीलनाची ज्योत
तेवत राहते
रेंगाळत – रेंगाळत
पण विरहाची फुंकर
फक्त एका क्षणाची
आणि
फटकन विझून जाते ज्योत
[१०८]
संपून गेली एकदाची
दिवसभराची कामं
लपेटून घे मला
तुझ्या आणि तुझ्याच कुशीत
स्वप्नं पडू देत ग मला-
मूळ रचना – स्व. रविंद्रनाथ टैगोर
मराठी अनुवाद – रेणू देशपांडे (माधुरी द्रवीड)
प्रस्तुति – श्रीमती उज्ज्वला केळकर
176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
