श्री अमोल अनंत केळकर
वाचताना वेचलेले
☆ शेंगदाणा विडंबन… – कवी :अज्ञात ☆ प्रस्तुती – श्री अमोल अनंत केळकर ☆
☆
भाजून सोलणे अन्
निवडून ते पहाणे
मी ओळखून आहे
कुठल्या डब्यात दाणे ॥धृ॥
जाता घरातूनी तू
घेईन एक वाटी
खाईन मस्त दाणे
येईल मौज मोठी
हे स्वप्न जीवघेणे
भरतो सुखे बकाणे ॥१॥
मी ओळखून आहे कुठल्या डब्यात दाणे…
हाती डबा जयाच्या
त्याला कसे कळावे
पोटात भूक ज्याच्या
त्यालाच दु:ख ठावे
लपवून लाख ठेवा
शोधू आम्ही दिवाणे ॥२॥
मी ओळखून आहे कुठल्या डब्यात दाणे…
पोटास वेदनांचा
का सांग त्रास व्हावा ?
इतका चविष्ट खाऊ
का औषधी नसावा ?
येवो कळा कितीही
सोडू आम्ही न खाणे ॥३॥
मी ओळखून आहे कुठल्या डब्यात दाणे…
☆
कवी : अज्ञात
संग्राहक : अमोल केळकर
बेलापूर, नवी मुंबई, मो ९८१९८३०७७९
poetrymazi.blogspot.in, kelkaramol.blogspot.com
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ.मंजुषा मुळे/सौ.गौरी गाडेकर≈
