डाॅ. मीना श्रीवास्तव
वाचताना वेचलेले
☆ ‘आता कुनी बलवत नाय’ – कवयित्री : सुश्री अनुराधा हवालदार☆ डाॅ. मीना श्रीवास्तव ☆
☆
दिवायीच्या फराळाले
आता कुन्नी बलवत नाय
ताटं भरले फटु धाडते
सांगा तेचं करु काय?
*
आठ दिस आधीपासून
शुबेच्चानं भरते फोन
घरी या फराळाले
आता असं म्हंते कोन?
*
घरी आता फराळाचं
मँड्डम काही करत नाय
रेड्डीमेड आनून खानं
अंगवळनी पडलं हाय
*
किचन झाले पॉश आता
कामासाटी बाया हाय
दोन कामं केली तरी
मँडम म्हंते दुखते पाय
*
असं होन्यामागं बघा
कारनीभूत थो एकच हाय
हातामंदी चिकटलेला
मुबाईल काई सुटत नाय
*
सारे मिंटा मिंटानं
उघडू उघडू पायते फोन
नवी काय पोष्ट आली
आनलाईन हायेत कोन
*
चकली चिवडा लाडू शेव
ताटलीमंदी सजवतेत
मार त्याचे फटु काढून
वाटसअपवरती पाठवतेत
*
तोंडापुरतं या म्हंतेत
तेच्यातून समजाचं काय
दिस वार स्थळ येळ
काई काई सांगत नाय
*
लोनी लावू लावू बापे
शबूद फेकते गोड गोड
घरी येतो म्हना बरं…
मंग व्हते म्युट मोड
*
मले सांगा फटु पाहून
पोट माह्यं भरन काय?
म्या मनलं कवडीचुंबका
घरी कदीतं बलवत जाय
*
डाएटवरती हावो म्हंते
आईली आमी खातच नाय
पिझ्झा बर्गर मॅगी खातेत
याले काय अर्थ हाय
*
कलियुग हाये बाप्पा
फराळेचे फटुच घ्या
शुगरकोटेड बोलून म्हंते
पुढच्या वर्षी नक्की या
*
पैले आज्जी आय आमची
करत व्हती किती काय
दळन तळण सारं करुन
तक्रार कद्दी केली नाय
*
फार नवती सुबत्ता पन
पावना नेहमी जेऊन जाय
पैसा झाला मोट्टा तरी
मन आता कोतं हाय..
…फराळाचं इसरून जाय…
…बाई फराळाचं इसरून जाय…
☆
कवयित्री : सुश्री अनुराधा हवालदार
नागपूर
प्रस्तुती : डॉ . मीना श्रीवास्तव.
ठाणे
मोबाईल क्रमांक ९९२०१६७२११, ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
