श्री गणेश चतुर्थी विशेष
कविराज विजय यशवंत सातपुते
(आज प्रस्तुत है श्री गणेश चतुर्थी पर्व पर कविराज विजय यशवंत सातपुते जी की विशेष कविता वंदन हे स्वीकार.)
☆ वंदन हे स्वीकार ☆
एकदंत तू ,वरद विनायक, वंदन हे स्वीकार
कार्यारंभी करतो पूजन तुझाच जय जय कार.
तिलकुंदाचे केले लाडू, गुंफीयेला जास्वंदीचा हार
दुर्वादल ते लक्ष अर्पिले , देवा आळवीत ओंकार.
सहस्त्र रूपे ,तुझी दयाळा , सृजनशील दरबार
माघ चतुर्थी ,जन्मोत्सव हा, शोभे निर्गुण निराकार.
गाणपत्य तू ,बुद्धी दाता, करीशी चराचरी संचार
कृपा असावी आम्हावरती , कर जीवन हे साकार.
अक्षर अक्षर दैवी देणे, मूर्त शारदा शब्दाकार
गणाधीश तू, ईश गुणांचा, देवा कलागुण स्वीकार.
तुला पूजिले, देहमंदिरी, देना जीवनाला आधार
जन्मा आला, जगत नियंता, देवा शब्दपुष्प स्वीकार.
© विजय यशवंत सातपुतेयशश्री, 100 ब दीपलक्ष्मी सोसायटी, सहकार नगर नंबर दोन, पुणे 411 009.
मोबाईल 9371319798.
