मराठी साहित्य – साप्ताहिक स्तम्भ – ☆ श्री अशोक भांबुरे जी यांची कविता अभिव्यक्ती #20 – कोजागरी ☆ – श्री अशोक श्रीपाद भांबुरे

(वरिष्ठ मराठी साहित्यकार श्री अशोक श्रीपाद भांबुरे जी का अपना  एक काव्य  संसार है । आप  मराठी एवं  हिन्दी दोनों भाषाओं की विभिन्न साहित्यिक विधाओं के सशक्त हस्ताक्षर हैं।  आज साप्ताहिक स्तम्भ  – अशोक भांबुरे जी यांची कविता अभिव्यक्ती  शृंखला  की अगली  कड़ी में प्रस्तुत है एकसामयिक एवं सार्थक कविता  “कोजागरी”।)

 

 ☆ साप्ताहिक स्तम्भ – अशोक भांबुरे जी यांची कविता अभिव्यक्ती # 20 ☆

ती सोबतीस माझ्या कोजागरीच माझी

येण्यास सोबतीला होताच चंद्र राजी

मी भाग्यवंत आहे तू भेटलीस येथे

माझे तुझे असूदे आता दिगंत नाते

ग्लासात चंद्र आहे कोजागरी म्हणूनी

ती केशरी मसाला गेली पुरी भिजोनी

ओठास लावलेला प्याला जरी दुधाचा

त्याच्यात गोडवा हा आला कसा मधाचा

ही रात्र पौर्णिमेची हे रूप ही रुपेरी

चंद्रास डाग आहे माझीच प्रीत कोरी

ना वाटली कधीही मज नजर धुंद इतकी

प्याला जरी दुधाचा तू वाटतेस साकी

बागा भरून गेल्या साऱ्याच माणसांनी

दोघेच फक्त आम्ही ह्या चिंब चांदण्यांनी