मराठी साहित्य – साप्ताहिक स्तम्भ – ☆ कवितेच्या प्रदेशात #4 – सार्थक आणि लक्ष्य ☆ – सुश्री प्रभा सोनवणे

 

 

(आज प्रस्तुत है सुश्री प्रभा सोनवणे जी के साप्ताहिक स्तम्भ  “कवितेच्या प्रदेशात”  में  उनकी  एक बाल  कविता  “सार्थक आणि लक्ष्य”।  हिन्दी में एक कहावत है  “मूलधन से ब्याज प्रिय होता है “।  सभी दादा दादी/नाना नानी को अपने  नाती पोते सर्वप्रिय होते हैं। मैं क्या आप सभी सुश्री प्रभा जी के कथन से सहमत होंगे । 

“नातवंडे प्रत्येक आजी आजोबांना खुप प्रिय असतात, त्यांच्या बाललीला पहाणं हे एक *आनंद पर्व* असतं ,एका  लग्न समारंभात माझ्या नातवाकडे पाहून एक महिला मला म्हणाली, “तुमचा नातू गोड आहे” यावर पाच वर्षाचा माझा नातू पटकन म्हणाला होता, “सगळे नातू गोडच असतात”. याच माझ्या नातवाच्या -सार्थक  च्या मैत्रीची एक कविता….” – प्रभा सोनवणे

अब आप  प्रत्येक बुधवार को सुश्री प्रभा जी का साप्ताहिक स्तम्भ  – “कवितेच्या प्रदेशात” पढ़ सकते  हैं । )

 

☆ साप्ताहिक स्तम्भ – कवितेच्या प्रदेशात # 4 ☆

 

 ☆ सार्थक आणि लक्ष्य ☆

एक बालकविता

 

आजकालची मुलं भलतीच दक्ष,

आमचा सार्थक आणि शेजारचा लक्ष !

 

दोघे आहेत अगदी सख्खे मित्र

सारखे काढत असतात चित्र!

 

बागेमधे भरपूर खेळतात,

वाळूमधे मस्त लोळतात !

 

सायकलवरून फेरफटका

बसतोय किती उन्हाचा चटका ?

 

घरी येताच लागते भूक

भाजी पोळी त आहे सुख !

 

शहाणी बाळं घरचंच जेवतात

तब्येत आपली नीट ठेवतात !

 

आजीला शिकवतात इंटरनेट ,

आजोबांना करतात चेकमेट !

 

बेबलेट ,कॅरम ,चेस,सापशीडी

अभ्यासात ही आहे गोडी !

 

सार्थक लक्ष ची जोडी छान

लहानवयातही मोठं भान !!

 

• प्रभा सोनवणे (प्रभा आजी)

 

© प्रभा सोनवणे,  

“सोनवणे हाऊस”, ३४८ सोमवार पेठ, पुणे – ४११०११

मोबाईल-9270729503