मराठी साहित्य – साप्ताहिक स्तम्भ ☆ कवितेच्या प्रदेशात # 78 – हायकू ☆ सुश्री प्रभा सोनवणे

सुश्री प्रभा सोनवणे

(आप  प्रत्येक बुधवार को सुश्री प्रभा सोनवणे जी  के उत्कृष्ट साहित्य को  साप्ताहिक स्तम्भ  – “कवितेच्या प्रदेशात” पढ़ सकते  हैं।)

☆ साप्ताहिक स्तम्भ – कवितेच्या प्रदेशात # 78 ☆

☆ हायकू ☆

वेल्हाळ पक्षी

स्वप्नातल्या गावात

मन मोहात

********

फुलपाखरू

अंगावर बसलं

फूल हसलं

******

एक साळुंकी

खुपच आवडते

का रडवते ?

******

नार शेलाटी

बाजिंदी मनमुक्त

होईल व्यक्त

****

हिर्वी बाभळ

डोहाच्या काठावर

त्या वाटेवर

****

पिवळी फुले

झुलतात फांदीत

मन गंधीत

****

वाकडी वाट

चिमुकले ते खेडे

फुलांचे सडे

****

काळी कपिला

सुन्दर तिचे डोळे

दूध  कोवळे

****

तो निवडुंग

गावाच्या वाटेवर

काटेसावर

****

मस्त साकुरा

फुलतो जपानला

गंध मनाला

© प्रभा सोनवणे

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈