श्री सुजित कदम
☆ साप्ताहिक स्तंभ – सुजित साहित्य #84 ☆
☆ कॅनव्हास ☆
मी कॅनव्हास वर अनेक सुंदर
चित्र काढतो….
त्या चित्रात. . मला हवे तसे
सारेच रंग भरतो…
लाल,हिरवा,पिवळा, निळा
अगदी . . मोरपंखी नारंगी सुध्दा
तरीही
ती.. चित्र तिला नेहमीच अपूर्ण वाटतात…
मी तिला म्हणतो असं का..?
ती म्हणते…,
तू तुझ्या चित्रांमध्ये..
तुला आवडणारे रंग सोडून,
चित्रांना आवडणारे रंग
भरायला लागलास ना. .
की..,तुझी प्रत्येक चित्रं तुझ्याही
नकळत कँनव्हास वर
श्वास घ्यायला लागतील…
आणि तेव्हा . . .
तुझं कोणतही चित्र
अपूर्ण राहणार नाही…!
© सुजित कदम
पुणे, महाराष्ट्र
मो.७२७६२८२६२६
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
