श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 79 – फटाके ☆
हवे कशाला उगा फटाके
ध्वनी प्रदूषण वाढायला।
जीव चिमुकले, प्राणी पक्षी
वाट मिळेना धावायला ।
आनंदाचा सण दिवाळी,
सारे आनंदाने गाऊ या।
मना मनातील ज्योत लावूनी,
आज माणूसकीला जागू या।
दीन दुखी नि अनाथ बाळा,
नित हात तयाला देऊ या।
अंधःकारी बुडत्या वाटा,
सहकार्याने उजळू या।
रोज धमाके करू नव्याने,
कुजट विचारा उडवू या।
ऐक्याचे भूईनळे लावूनी,
आनंद जगती वाटू या।
© रंजना मधुकर लसणे
आखाडा बाळापूर, जिल्हा हिंगोली
9960128105
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
