मराठी साहित्य – ☆ कवितेचा उत्सव ☆ वजन ☆ स्व विष्णु वामन शिरवाडकर ‘कुसुमाग्रज’ ☆

स्व विष्णु वामन शिरवाडकर ‘कुसुमाग्रज’ 

 कवितेचा उत्सव 

☆ वजन ☆ कवी…कुसुमाग्रज ☆

(10मार्च पुण्यतिथी)

एकदा रेशन संपल्यावर

घरातली रद्दी विकायला काढली

तेव्हा तू हसत म्हणालीस,

तुमच्या कवितांचे कागद

यात घालू का ?

तेवढंच वजन वाढेल !

मी उत्तरलो,

जे काम काळ उद्या करणार आहे

ते तू आज करू नकोस.

तुझ्या डोळ्यात

अनपेक्षित आसवं तरारली

आणि तू म्हणालीस,

मी तर नाहीच

पण काळही ते करणार नाही.

– स्व विष्णु वामन शिरवाडकर ‘कुसुमाग्रज’

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈