मराठी साहित्य – कवितेचा उत्सव ☆ घन – मेघांनो… ☆ श्री रवींद्र सोनावणी ☆

श्री रवींद्र सोनावणी

 कवितेचा उत्सव 

☆ घन – मेघांनो… ☆ श्री रवींद्र सोनावणी ☆

☆

आषाढातील घनमेघांनो, जा घेऊन संदेश, 

बने, उपवने, सरीता, सागर, शोधा सर्व प्रदेश ।। धृ ।।

*

भेटीतील खग, विहंग यात्री, मार्गामाजीं तुम्हां, 

लोप पावल्या नक्षत्रांच्या, दिसतील पाऊलखुणां, 

पुसा वायुला, असे जयाला जगती मुक्त प्रवेश || १ ||

*

शैल शिखरेंही, जिथे चुंबीती गगनाचे भालं, 

कैलासाचें दर्शन घ्याया, थांबा क्षणकालं, 

मार्ग दाखवील प्रसन्न होऊन, उमापती शैलेश || २ ||

*

निर्मळ निर्झर मानसरोवर, कुठे पुष्प वाटिका, 

कमल दलातील श्रृंग बाबरा, मिलनोत्सुक सारिका, 

कथा तयांना बिरह व्यथेने, व्याकुळ यक्ष नरेश || ३ ||

*

हवा कशाला स्वर्ग, हवी मज प्रियाच स्वप्नांतली, 

विरहाश्रूचे सिंचन करुनीं, प्रीती मी फुलवली, 

सजल सख्यांनो, कथा तियेला, अंतरीचा आदेश || ४ ||

☆

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈