कवी राज शास्त्री
☆ साप्ताहिक स्तम्भ – हे शब्द अंतरीचे # 24 ☆
☆ भ्रमनिरस… ☆
पाऊस येणार नक्की
मनात पालवी फुटली
पालवी मनात फुटताना
गर्दी ढगाने केली…
ढग दाटून आले
काळोख ही पडला
कुठल्याही क्षणाला
सुरुवात होईल पावसाला…
मयूर नाचू लागला
पिसारा खुलून गेला
पानांची सळसळ
थंडगार वारा सुटला…
थंडगार वारा सुटला
त्याचा जोर वाढला
आलेले आभाळ सर्व
काढता पाय त्यांनी घेतला…
भ्रमनिरस जाहला
मन अशांत जाहले
न येता पाऊस काहीच
ढग निघून-विरून गेले…
आघात असा झाला
खूप बेकार वाटले
येणाऱ्या पावसाने
का असे भुलविले…?
© कवी म. मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
