मराठी साहित्य – कवितेचा उत्सव ☆ समान समांतर ☆ श्री तुकाराम दादा पाटील

तिच्याकडे बघताना

तिच्या डोळ्यात उतरलेली

माझी प्रतिमा मला

नेहमी सांगत होती

सावधान.

ही तळी गुढगहिरी

पडलास बुडलास तर  ?

पुन्हा सापडणार नाहीस

मग काठावर येऊन

अस्तित्व दाखवण

तर दूरच.

काय चमत्कार झाला

नाही कळलं मला

पोहतोय तळ्यात बिनधास्त

अस्तित्वा सोबत.

अगुढ गुढ उलगडलं

तळ झालं माझं

माझ्याकरता जीव देणार

पाठीशी उभं राहून

मार्ग दाखवणारं

प्रगतीचा.

अजोड , एकरूप

समान आणि

समांतर सुद्धा .

© श्री तुकाराम दादा पाटील

मुळचा पत्ता  –  मु.पो. भोसे  ता.मिरज  जि.सांगली

सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३

दुरध्वनी – ९०७५६३४८२४, ९८२२०१८५२६

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈