मराठी साहित्य – वाचताना वेचलेले ☆ अप्रूप पाखरे – ३४ – रवींद्रनाथ टैगोर ☆ प्रस्तुति – श्रीमती उज्ज्वला केळकर

श्रीमती उज्ज्वला केळकर

 वाचताना वेचलेले 

☆ अप्रूप पाखरे – ३४– रवींद्रनाथ टैगोर ☆ प्रस्तुति – श्रीमती उज्ज्वला केळकर ☆ 

[१५३]

जेव्हा पान प्रेम करतं

तेव्हा फूल  होतं त्याचं

आणि

जेव्हा फूल पूजा करतं

तेव्हा फळ होतं त्याचं.

[१५४]

साचून आहे तुझ्यावर

धूळच धूळ…

नीरव शांततेच्या

शुद्ध प्रवाहात 

धुवायलाच हवा एकदा

तुझा आत्मा

[१५५]

हळुवार झुळूक येते

आणि किती स्पष्टपणे

जाणवून जातो

ईश्वरी शक्तीचा परमस्पर्श

वादळामधून

कधीही न जाणवणारा.

[१५६]

साधंसुधं शुभ्रपांढरं

प्रकाशवस्त्र

लेऊन येतो सूर्य

आणि हे वेडे ढगच कसे

लगडून जातात

रंगारंगाच्या

भपकेदार दिमाखानं 

मराठी अनुवाद – रेणू देशपांडे (माधुरी द्रवीड)

प्रस्तुति – श्रीमती उज्ज्वला केळकर

176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.-  9403310170

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈