श्रीमती अनुराधा फाटक
कवितेचा उत्सव
☆ ऋण… ☆ श्रीमती अनुराधा फाटक ☆
ऋण
आता तू उभी आहेस
तुझ्या पायावर… मात्र
ज्या मातीवर तुझे पाय आहेत
त्या मातीची ओळख ठेव..
विसरु नकोस ऋण मातीचं
जिनं घडवलं लेणं आयुष्याचं !
माती नसती तर…
कदाचित तुझे पाय अधांतरी..
पाय तुझे आहेत
तू कुठंही जा…पण
माती तुझी नाही हे न विसरता..
तिचं ऋण पायदळी तुडवता!
अगं ऋण तुडवायचं नसतं
ते अभिमानाने मिरवायचं असतं !
© श्रीमती अनुराधा फाटक
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
