सुश्री प्रेमा माधव कुलकर्णी
वाचताना वेचलेले
☆ गीतांजली भावार्थ …भाग 9 ☆ प्रस्तुति – सुश्री प्रेमा माधव कुलकर्णी ☆
१५.
गीत गाऊन तुझं रंजन करण्यासाठी
मी आलो आहे
तुझ्या प्रसादाच्या एका कोपऱ्यात
माझी बैठक आहे
तुझ्या जगात मला काम नाही
हेतू नसलेलं माझं जीवन कोलमडून पडेल
रात्रीच्या समयी, तुझ्या नि: शब्द आराधनेच्या वेळी
हे धन्या, तुझ्यासमोर उभं राहून
‘गा’ अशी आज्ञा मला कर
प्रभात समयी, शांत स्वरात,
सुवर्ण वीणेचे सूर जुळावेत
आणि तुझ्या आज्ञेने मी सन्मानित व्हावे.
१६.
या जगाच्या महोत्सवात सहभागी होण्याचं
निमंत्रण मला मिळालं
आणि माझं आयुष्य कृतार्थ झालं.
हे किती थोर भाग्य!
मी डोळ्यांनी पाहू शकतो, कानाने ऐकू शकतो
या महोत्सवात
माझी वीणा वाजवणं हेच माझं काम,
ते मी माझ्या परीने केलं
या मैफिलीतून मी आत यावं,
तुझं दर्शन घ्यावं
आणि मूकपणे तुझ्यासमोर नतमस्तक व्हावं.
मराठी अनुवाद – गीतांजली (भावार्थ) – माधव नारायण कुलकर्णी
मूळ रचना– महाकवी मा. रवींद्रनाथ टागोर
प्रस्तुती– प्रेमा माधव कुलकर्णी
कोल्हापूर
7387678883
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
