डॉ मेधा फणसळकर
कवितेचा उत्सव
☆ नेम… ☆ डॉ मेधा फणसळकर ☆
सूर्य पूर्वेला उजाळे, नेम आहे
फाल्गुनी जळती उन्हाळे, नेम आहे
नित्य फेरा या धरेला, घालतो रे
चंद्र फिरतो अंतराळे, नेम आहे
जन्मती पोटी कहाण्या या नदीच्या
अंतरी लपवी उमाळे, नेम आहे
पावसाचे बरसणे हा, धर्म आहे
मेघ आकाशात काळे, नेम आहे
चक्र सृष्टीचे न थांबे मानवांनो
चालणे हा नित्य इथला नेम आहे.
© डॉ. मेधा फणसळकर
सिंधुदुर्ग.
मो 9423019961
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
