मराठी साहित्य – कवितेचा उत्सव ☆ सांग पोरी सांग सारे… ☆ कवी मनमोहन ☆

 कवितेचा उत्सव 

☆ सांग पोरी सांग सारे… ☆ कवी मनमोहन ☆

(सात मे… कवी मनमोहन स्मृतीदिन)

सांग पोरी सांग सारे,

सांग पोरी सांग सारे

लाजतेस का ? सांग सारे //धृ//

दोन वेण्या तीनपेडी

घालुनी चढलीस माडी

खालि  येताना परंतू 

         मोकळे सारे पिसारे //1//

नीज का ग झोप घेते

पापणीचे लाल पाते

मंद का रात्रीत झाले

       कालचे तेजाळ तारे ? //2//

कुंकु भाळी पांगलेले

गाल दोन्ही गुंजलेले

मैत्रिणींशी बोलताना

     अंग तूझे का शहारे ?//3//

 – कवी मनमोहन 

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈