महंत कवी राज शास्त्री
हे शब्द अंतरीचे # 80
☆ अभंग… ☆
मोगरा फुलला, विकसित झाला
सहज हासला, मुक्तपणे…०१
बोलला मजला, आनंदी असावे
दु:खीत नसावे, जगतांना…०२
होणारे होईल, वेळ ही संपेल
काहीच नसेल, शेवटाला…०३
जन्म तोच मृत्यू, ठराव जाहला
करार लिहिला, विधात्याने…०४
नका करू शोक, आहे तेच योग्य
निर्मळ सुयोग्य, मानून घ्या…०५
ऐसा हा मोगरा, मजसी वदला
वाऱ्यासवे दिला, संदेश तो…०७
कवी राज म्हणे, सुसंगती करा
निर्भेळ आचरा, दिनचर्या…०८
© कवी म.मुकुंदराज शास्त्री उपाख्य कवी राज शास्त्री.
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
