मराठी साहित्य – चित्रकाव्य ☆ – संत जनाबाई – ☆ सुश्री नीलांबरी शिर्के ☆

सुश्री नीलांबरी शिर्के 

  चित्रकाव्य  

  – संत जनाबाई –   ☆ सुश्री नीलांबरी शिर्के ☆

☆

संत जनाबाई

तिची सावळी विठाई

तिचा नव्हता तो देव

तिला वाटे तो मानव—-

☆

जनाबाई संगे

विठू गोवऱ्या थापतो

आणि तिच्यासंगे

तो धुणेही धुवतो —–

☆

जनाबाईकडे देव

तिला भेटायला गेला

तिची वाकळ पांघरे

तिथे विसरला शेला—–

☆

 जनी संगे देव

दळता दळण

चंद्रहार खुंटीवर

आला विसरून—-

☆

जनीला भेटायला

जाई गोपाळपूराला

बडवे धुंडाळती इथे

गाभारी त्या हरीला—-

☆

अशी जनाबाई

असा पांडुरंग

वेगळीच भक्ती

वेगळाच  रंग—-

☆

© सुश्री नीलांबरी शिर्के

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈