मराठी साहित्य – वाचताना वेचलेले ☆ आजी आजोबा — ☆ प्रस्तुती – जुईली अमोल ☆

  वाचताना वेचलेले  

☆ आजी आजोबा — ☆ प्रस्तुती – जुईली अमोल ☆

आजी आजोबा नसले की बालपण अधुरं राहतं,

आई बाबांनाच मग थोडं आणखी नरम व्हावं लागतं..

हक्काचा श्रोता नी कूस चोवीस तास मिळत नाही,

आई बाबांच्या कुशीत ‘ ती ‘ ऊब मिळत नाही..

शिस्तीला अल्पविराम मिळत नाही,

कारणाशिवाय उगीच लाड होत नाहीत..

रागावली आई तर हळूच लाडवांचा डबा येत नाही,

शिक्षा केली बाबांनी तर—

— त्यांना त्यांचंच बालपण आठवून दटावायला आजोबांची ढाल मिळत नाही..

आई बाबांची सावली तर नेहमीच असते, पण बुंध्यातला गारवा सापडत नाही,

आजी आजोबांशिवाय आठवणींची शिदोरी पूर्ण होत नाही …

आजी आजोबा दिनाच्या मुलायम शुभेच्छा… 🌹🙏🏻

संग्राहिका : जुईली अमोल

Print