सौ. जयश्री पाटील
कवितेच्या उत्सव
☆ वीर जवान तुझे सलाम… ☆ सौ. जयश्री पाटील ☆
प्रेमळ पाश घर सोडूनी
देशासाठी देतो बलिदान
वीर जवान तुझे सलाम
तूच खरा देशाचा सन्मान
धाडस शौर्य पराक्रमाची
तुझी चहुकडे बघ ख्याती
अभिमान तुझा प्रत्येकाला
कशी विसरेल तुझी आहुती
वर्दीचा मान ठेवूनी भान
सीमेवरती उभा राहतो
खडा पहारा तुझा सैनिका
त्यामुळे आम्ही सुखे नांदतो
आदर तुझा आहे सर्वांना
माथा नकळत नत होतो
धाडस हिम्मत तुझी पाहुनी
खरा हिरो तू आमचा होतो
© सौ. जयश्री पाटील
विजयनगर.सांगली.
मो.नं.:-8275592044
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
