मराठी साहित्य – चित्रकाव्य ☆ – ऊर्जा… – ☆ श्री सुहास रघुनाथ पंडित ☆

श्री सुहास रघुनाथ पंडित

  चित्रकाव्य  

– ऊर्जा ☆ श्री सुहास रघुनाथ पंडित ☆

☆

तू उर्जेचा स्रोत म्हणूनिया

 हात पसरले तुझ्याकडे

त्या उर्जेचे प्रवाह

वाहती तारा जगाकडे

☆

प्रवास इथला संपत नाही

एक पुढे तर मागे एक

वा-यालाही मागे टाकील

 असाच इथला जीवन वेग

☆

समान अंतर जरी ठेवले

तरी ध्येय ते एक असे

वाट दूरची असेल तरीही

 क्षितीजापुढती धाव असे.

☆

© सुहास रघुनाथ पंडित

सांगली (महाराष्ट्र)

मो – 9421225491

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈