श्री शरद कुलकर्णी
कवितेचा उत्सव
☆ आरती गंगेची… ☆ श्री शरद कुलकर्णी ☆
किती प्रवाह घेउनी ,
गंगा वाहते प्रवाही.
ओढ द्वैताची तरीही ,
देत अद्वैताची ग्वाही.
पात्रं अथांग अतर्क्य ,
डोह खोल खोल.
सुखदुःखाच्या काठाचे,
नदी सांभाळते तोल.
लावू निरांजनी ज्योत ,
पेटवून प्राण दीप.
करु आरती गंगेची ,
पैलतीराच्या समीप.
© श्री शरद कुलकर्णी
मिरज
(हरिद्वार मुक्काम)
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
