श्री सुजित कदम
कवितेचा उत्सव
☆ सुजित साहित्य # 157 ☆ माणसाने माणसे जपावी… ☆ श्री सुजित कदम ☆
माणसाने माणसे जपावी
भीमशक्ती जगाला कळावी…|| धृ. ||
शिकावे लढावे धम्मवाणी
दीन दलितांची जिंदगानी
नको अस्पृश्य विश्वात कोणी
मान सन्मान जागा मिळावी…|| १. ||
माणसें वाचली कौतुकाने
सुख दुःखे झेलली भीमाने
तोडली बंधने कर्मठांची
ध्येयवादी धोरणे दिसावी…|| २. ||
रमाई भीमाई ध्यास सारा
संविधानी दिला एक नारा
विश्व केले खुले नीलरंगी
लोकशाही घटना रूजावी…|| ३. ||
नको संकटे वळचणीला
दिशा लाभली चळवळीला
काय सांगू थोरवी भीमाची
नाव घेता मस्तके झुकावी….|| ४. ||
© सुजित कदम
संपर्क – 117, विठ्ठलवाडी जकात नाका, सिंहगढ़ रोड,पुणे 30
मो. 7276282626
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
