श्रीमती अनुराधा फाटक
कवितेचा उत्सव
☆ संजीवन… ☆ श्रीमती अनुराधा फाटक ☆
आम्रपालीच्या मखरात
आंबामोहराचा गंध घेत
सान कैर्यांच्या झुंबरात
विसावली चैत्रगौर !
सोबतीला कोकीळकूजन
कोवळ्या पालवीची पखरण
वसंतऋतूचे आगतस्वागत
निसर्ग करीतो आनंदे !
हळुवार शीत वायु लहर
निरभ्र असे निळे अंबर
उत्साहाचे असे संजीवन
मिळे मानवी मनाला !
© श्रीमती अनुराधा फाटक
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
