मराठी साहित्य – कवितेचा उत्सव ☆ साठी… ☆ सुश्री प्रणिता प्रशांत खंडकर ☆

सुश्री प्रणिता प्रशांत खंडकर

 कवितेचा उत्सव 

☆ साठी… ☆ सुश्री प्रणिता खंडकर ☆

(चाल… रूणझुण त्या पाखरा)

  आली आली आता साठी,

  नको कपाळाला आठी,

  खोलू कवाडे मनाची,

  जरा बदलूया दृष्टी.

  आली आली आता साठी..||१||

  लोकं काय म्हणतील?

  नकोच हा बागुलबुवा,

  फालतू बंधनांना आता,

   देऊन टाकूया ना रजा. 

   आली आली आता साठी.. ||२||

   अनुभव जालीम दवा,

   शहाणपणा शिकविला,

   आपल्यांना ओळखताना,

   आता होणार ना चुका.

  आली आली आता साठी..||३||

   काय हवे आहे मला,

   शोध मीच घ्यावयाचा,

   आनंदाने जगण्याचा,

   मनी जपायचा वसा.

   आली आली आता साठी..||४||

   आयुष्याच्या प्रवासाचा,

   हा तर स्वल्पविराम,

   उमेदीने आता नव्या,

   लिहू पुढचा अध्याय.

   आली आली आता साठी..||५||

© सुश्री प्रणिता खंडकर

संपर्क – सध्या वास्तव्य… डोंबिवली, जि. ठाणे.

ईमेल [email protected] केवळ वाॅटसप संपर्क.. 98334 79845.

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈