मराठी साहित्य – चित्रकाव्य ☆ “एक इवलंसं रोपटं ..” – अज्ञात ☆ प्रस्तुती – सुश्री मंजुषा सुनीत मुळे ☆

सुश्री मंजुषा सुनीत मुळे

  चित्रकाव्य  

☆ “एक इवलंसं रोपटं ..” – अज्ञात ☆ प्रस्तुती – सुश्री मंजुषा सुनीत मुळे ☆

(जागतिक पर्यावरण दिनाच्या हार्दिक शुभेच्छा..!)

इवलंसं रोपटं मी

तू म्हणालास तर मरून जाईन –

ओंजळभर पाणी दे मला

आयुष्यभर तुझ्या कामा येईन –

दिलं जीवदान मला तर 

तुला जगायला प्राणवायू देईन –

जगवलंस मला तर 

तुझ्या देवांसाठी फुलं देईन –

फुलवलंस मला तर

तुझ्या मुलांसाठी फळं देईन –

तळपत्या उन्हामध्ये 

तुझ्या कुटुंबाला सावली देईन –

तुझ्या सानुल्यांना खेळावया

माझ्या खांद्यावर झोका देईन –

तुझ्या आवडत्या पाखरांना 

मायेचा मी खोपा देईन –

कधी पडला आजारी तर 

तुझ्या औषधाला कामा येईन –

झालो बेईमान जरी मी 

शेवटी तुझ्या सरणाला कामा येईन –

कवी : अज्ञात 

प्रस्तुती : सुश्री मंजुषा सुनीत मुळे

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈