मराठी साहित्य – कवितेचा उत्सव  ☆ ‘ऐक ऐक सखये बाई…’ ☆ सुश्री शांभवी मंगेश जोशी ☆

सुश्री शांभवी मंगेश जोशी

 कवितेचा उत्सव 

☆ ‘ऐक ऐक सखये बाई…’ ☆ सुश्री शांभवी मंगेश जोशी ☆

सांगते मी तुला काही

        नको गुंतू ग कशामधे                                   

        नाही काही तुझे येथे

काय तुझे काय माझे

नसे काही तसे येथे

        काय संगे आणले होते

        काय निर्मीलेस तूगं येथे

सारे दान त्या सृजनाचे

सोहळे ते माय मातीचे

        माती पाणी उन वारा

        त्यास सांग नाव कोणाचे

माझे माझे कशापायी

व्यर्थ दुःख त्याचे पायी

        देह तुझा तुझा म्हणशी

        तोही मातीच्याच

        पोटी देशी

© सौ. शांभवी मंगेश जोशी

संपर्क – सुमन फेज 4, धर्माधिकारी मळा, एस्सार पेट्रोल पंपामागे, सावेडी, अहमदनगर 414003

फोन नं. 9673268040, [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈