सुश्री प्रभा सोनवणे
कवितेच्या प्रदेशात # 194
☆ कस्तुरी… ☆ सुश्री प्रभा सोनवणे ☆
☆
यंदाच्या मोसमात
बहरलाच भरघोस,
मोगरा माझ्यासाठी !
त्याची कंच हिरवाई
डोळ्यात भरून राहिलेली
आणि शुभ्र दरवळ
आत खोलवर
प्राणापर्यंत !
मग मी ही
चंदनासारख्या
उगाळत राहिले
त्या ऋतुबहराच्या आठवणी….
काही घाव
दुख-या जखमा
घेतल्या लिंपून
त्या शीतल सुगंधाने !
आता मोगरा
फुललाय अंगोपांगी
आणि अवघा देह
कस्तुरी झालाय!
☆
© प्रभा सोनवणे
संपर्क – “सोनवणे हाऊस”, ३४८ सोमवार पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
