श्रीमती उज्ज्वला केळकर
कवितेचा उत्सव
☆ आभाळमाया… ☆ श्रीमती उज्ज्वला केळकर ☆
सूर्य निरोपला तेव्हा,
चंद्र माथ्यावर आला.
त्याने फेकला फेकला
धरेवर चांदणशेला
कसा नाजुकसा शेला
धरा तृप्तली तृप्तली
तिच्या शेल्यात लपेटून
सारी सृष्टी सुस्तावली.
मायेच्या कुशीत, उबेत
बाळ निजते निजते
तिच्या काळीजकुपीतून
आभाळमाया ओसंडते.
© श्रीमती उज्ज्वला केळकर
संपर्क -17 16/2 ‘गायत्री’ प्लॉट नं. 12, वसंत दादा साखर कामगारभावन के पास , सांगली 416416 महाराष्ट्र
मो. 9403310170, email-id – kelkar1234@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
